Sansar News
२८, बैशाख, काठमाडौं । नयाँ सरकार गठनका लागि आवश्यक छलफल गर्न नेपाली कांग्रेशका सभापति शेरबहादुर देउबाले नेकपा (माओवादी केन्द्र), जनता समाजवादी पार्टी लगाएतका दलका शिर्ष नेतालाई बैठमकमा बोलाएका छन् । बैठक दिउँसो २ बजे देउबा निवास बुढानिलकण्ठमा बस्ने बताइएको छ ।
सोमबार संसदको बहुमत संख्याले प्रधानमन्त्रीलाई विश्वासको मत नदिएपछि संविधान अनुसार नयाँ सरकारको गठनका लागि बाटो खुलेको हो । त्यसैका आधारमा नेपालको संविधानको धारा ७६(२) अनुसार राष्ट्रपतिले दलहरुलाई बहुमतको सरकार निर्माणको लागि ३ दिनको समयसिमा दिएर आह्वान गरेकी छन् ।
अहिलेको संसदको अंकगणितअनुसार बहुमतको सरकार निर्माणको लागि १ सय ३६ जना सांसदको आवश्यकता पर्दछ ।
वि.सं.२०७८ वैशाख २८ मंगलवार ०९:२३ मा प्रकाशित
