हामी सबैकाे संसारन्यूज

२८ वैशाख, काठमाडौँ । अक्सिजन नभएको भन्दै अस्पतालहरु बिरामी लिन भर्ना लिन नमानिरहेको समाचार आइरहेकै बेला एक अस्पतालले भर्ना भएर उपचाररत बिरामीलाई डिस्चार्ज गर्दै आफ्नो व्यवस्था आफै गर्न भनेको छ ।

काठमाडौँ अत्तरखेलस्थित नेपाल मेडिकल कलेजले सूचना जारी गर्दै अस्पतालमा अक्सिजन नहुँदा बिरामीको स्वास्थ्य अवस्थामा गम्भिर समस्या उत्पन्न हुन सक्ने भन्दै बिरामीका आफन्तलाई आ–आफ्नो व्यवस्था आफै गर्न भनेको हो ।

अस्पताललाई अक्सिजन उपलब्ध गराउँदै आएको सोपान फर्मासिउटिकल्स लिमिटेडको मेसिन बिग्रीएर तत्काल अक्सिजन उपलब्ध हुन सक्ने सम्भावना न्यून रहेको जानकारी प्राप्त भएको र अन्यत्रबाट समेत अक्सिजन उपलब्ध हुन नसकेको हुँदा बिरामी डिस्चार्ज गर्न परेको सूचनामा जनाइएको छ ।

बिरामीलाई डिस्चाज गर्न लागिएको जानकारी स्वास्थ्य मन्त्रालय तथा सम्बन्धित निकायलाई समेत जानकारी गराइएको बताइएको छ ।