हामी सबैकाे संसारन्यूज

२८ वैशाख, काठमाडौँ । सर्वोच्च अदालतले कोभिड नियन्त्रण भ्याक्सिन आयातमा भएको कमिसन प्रकरणको छानवीनका लागि नागरिक आयोग गठनको माग अस्विकार गरेको छ ।

खोपमा कालोबजारी गर्ने, अभाव सिर्जना गर्ने, स्वास्थ्य सामग्री खरिद एवम वितरण सम्बन्धमा भएका कालाबजारी लगायतको छानविनका लागि आयोग गठन गर्न परमादेशको आदेश माग गर्दै सर्वोच्चमा मुद्धा दर्ता गर्न खोज्दा आफ्नो अधिकारक्षेत्र अन्तर्गत नपर्ने भन्दै दर्ता गर्न नै अस्वीकार गरेको हो ।

औषधि खरिदमा भएको कालाबजारी, कमिशन, भ्रष्टाचार लगायतका विषयमा छानविनको माग गर्दै डा. द्वारीकानाथ ढुंगेल, सुकदेव भट्टराई खत्री एवम् डा. गोविन्द केसी लगायतको व्यक्तिहरुको संलग्नतामा नागरिक आयोग गठन गर्न माग गरी दर्ता गर्न खोजिएको मुद्धालाइ अदालतले दरपीठ गरेकाे हो ।

वरिष्ठ अधिवेक्ता डा. सुरेन्द्र भणडरीले प्रधानमन्त्री तथा मन्त्रीपरिषद्को कार्यालयलाई विपक्षी बनाइ निवेदन दर्ता गर्न खोजेका थिए । अदालतले निवदेन दर्ता नगरेर नागरिकको मौलिक अधिकारको हनन गरेको छ ।