Sansar News
३०, बैशाख, काठमाडौं । प्रधानमन्त्री तथा नेकपा (एमाले) का अध्यक्ष केपी शर्मा ओलीले आज बिहान ९ बजे पार्टीको स्थायी कमिटिको बैठक बोलाएका छन् । बैठक प्रधानमन्त्री निवास बालुवाटारमा बोलाइएको छ ।
पार्टीमा खनाल नेपाल समुहले सामुहिक रुपमा राजिनामा दिने र विपक्षी गठबन्धनले नयाँ सरकार निर्माणको कसरत गरिरहेको बेलामा ओलीले बोलाएको बैठकलाई महत्वका साथ हेरिएको छ ।
आज राती ९ बजेसम्म विपक्षी गठबन्धनले संबिधानको धारा ७६ (२) अनुसार राष्ट्रपतिसमक्ष आफ्नो बहुमतको दाबी गर्न सकेनन् भने प्रधानमन्त्री ओली धारा ७६ (३) अनुसार ठुलो दलको नेताको हैसियतले प्रधानमन्त्रीमा पुनः नियुक्ति हुनेछन् ।
वि.सं.२०७८ वैशाख ३० बिहीवार ०९:१७ मा प्रकाशित
