हामी सबैकाे संसारन्यूज

३१ बैशाख, रुपन्देही । रुपन्देहीमा थप पाँच कोरोना संक्रमितको मृत्यु भएको छ ।

लुम्बिनी प्रादेशिक अस्पतालका अनुसार मृत्यु हुनेमा तिलोत्तमा नगरपालिकाका २, बुटवलउपमहानगरपालिकाका २ र सैनामैनाका १ जना रहेका छन् ।

तिलोत्तमा ५ का ७५ वर्षीय पुरुषको उपचारका क्रममा विहीबार मृत्यु भएको छ । संक्रमण पुष्टि भएपछि बैशाख २४ गते अस्पताल भर्ना भएका उनको विहीबार बिहान ७ः४५ मा मृत्यु भएको हो ।

बैशाख २७ गते कोरोना संक्रमण पुष्टि भएपछि सोहिदिन अस्पताल भर्ना भएका तिलोत्तमा १३ का ५५ वर्षीय पुरुषको पनि उपचारका क्रममा बैशाख २९ गते बेलुका ८ः१५ मा मृत्यु भएको अस्पतालले जनाएको छ ।

त्यसैगरी बुटवल ६ का ८१ वर्षीय पुरुषको विहीबार बिहान ५ः३० मा मृत्यु भएको छ । बैशाख २८ गते संक्रमण पुष्टि भएका उनी सोहिदिन नै अस्पताल भर्ना भएका थिए ।
बुटवल १० का ६८ वर्षीय पुरुषको पनि उपचारका क्रममा बिहीबार मृत्यु भएको छ । बैशाख २८ गते संक्रमण पुष्टि भएका उनको अस्पतालको इमरजेन्सीमा उपचार गराउने क्रममा मृत्यु भएको अस्पतालले जनाएको छ ।

त्यस्तै बैशाख २१ ग्ते संक्रमण पुष्टि भएपछि २६ गते अस्पताल भर्ना भएका सैनामैना १ का ६४ वर्षीय पुरुषको पनि विहीबार दिउँसो २ः२३ मा आइसीयुमा उपचारका क्रममा मृत्यु भएको छ ।