
वैशाख ३१, काठमाडौं । वैकल्पिक सरकार निर्माणमा जुटेको नेपाली कांग्रेस, नेकपा (माओवादी केन्द्र) र जनता समाजवादी पार्टी (जसपा)ले पछिल्लो राजनीतिक अवस्थाबारे समिक्षा गरेको छ । कांग्रेस सभापति शेरबहादुर देउवा निवासमा तीन दलका नेताहरु जम्मा भएर समिक्षा गरेका हुन् ।
दलहरुले प्रधानमन्त्री केपी शर्मा ओलीले चाल्नसक्ने आगामी कदमबारे छलफल गरेका थिए । बैठकमा सहभागी एक नेताका अनुसार प्रधानमन्त्री ओली पुनः संसद विघटनको बाटोमा जानसक्ने सम्भावना रहेको धारणा तीनै दलका नेताले राखेका थिए ।
ओलीले जेठ पहिलो साता नै संसद बोलाउने र १५ गते अगावै विश्वासको मत माग्दै बहुमत नपाए संसद विघटन गरि अध्यादेशमार्फत बजेट ल्याउने तयारी गरेको कुरा बैठकमा छलफल भएको थियो । बैठकमा सहभागी एक नेताका अनुसार ओली महन्थ ठाकुर समूहलाई अन्तिमसम्मै तटस्थ राख्दै माधव समूहलाई अलमल पारेर संसद विघटनको दिशातिर जाने रणनीतिमा लागेको दलहरुको समिक्षा छ ।
बैठकमा ओलीको रणनीतिमा महन्थ ठाकुर र माधव नेपाल पनि सहयोगी देखिएको दलहरुले निष्कर्ष निकालेका छन् । बताईअनुसार आजको छलफलमा दलहरुबीच आगामी रणनीतिबारे भने कुनै सहमती बन्न सकेको छैन् ।
बुढानिलकण्ठ बैठकमा विपक्षी गठबन्धनका तीनै नेता शेरबहादुर देउवा, पुष्पकमल दाहाल प्रचण्ड र उपेन्द्र यादव सहयोगी नेताहरुका साथमा उपस्थित थिए । सभापति देउवासहित कांग्रेसका नेताहरु महामन्त्री डा. शशांक कोइराला, पुर्णँबहादुर खड्का र नारायण खड्कासहित उपस्थित थिए भने माओवादीबाट प्रचण्डसहित पार्टी प्रवक्ता नारायणकाजी श्रेष्ठ, पम्फा भुसाल र पूर्वसभामुख ओनसरी घर्तीमगरसहित उपस्थित थिए ।
सम्बन्धित समाचार
वि.सं.२०७८ वैशाख ३१ शुक्रवार १७:१६ मा प्रकाशित