Sansar News
भरोशा तिम्रो के गर्नु फेरि राष्ट्रको दोहन,
देखायौ आश ढिकुटी हेरी राष्ट्रको दोहन ।
हेरेर आओ त्यो इतिहास समय पल्टाई,
मेरा र तेरा आफन्त बैरी राष्ट्रको दोहन ।
पालोमा कुर्दै जननी वक्ष चिथोरी रहेका,
राष्ट्रमा घाती यिनै अटेरी राष्ट्रको दोहन ।
के आश अब भरोशा छैन जनले बुझेका,
आएर फेरि बेच्दैछौ भेरी राष्ट्रको दोहन ।
जुट्दै र फुट्दै रमित धेरै देखायौ जनमा,
पूर्णिमा रात बनी अँधेरी राष्ट्रको दोहन ।
नेपाल खोक्रो बनाई छाडे भ्रष्ट नै भ्रष्टले,
हरेक ठाउँ रोप्दै अँगेरी राष्ट्रको दोहन ।
शब्द र अर्थ: अँगेरी-विषालु वनस्पती
वि.सं.२०७८ जेठ १ शनिवार ०७:०२ मा प्रकाशित
