हामी सबैकाे संसारन्यूज

२ जेठ, काठमाडौं । नेपाल कम्युनिष्ट पार्टी (माओवादी केन्द्र) का नेता नारायणकाजी श्रेष्ठले कोरोना महामारीले निम्त्याएको यो संकटको घडीमा सबैलाई साथ दिन अनुरोध गरेका छन् ।

नेता श्रेष्ठले कोभिड स्वयम्सेवा समुहसँग जोडिएर जिल्ला र गाउँहरुमा जनतालाई सेवागर्न जान इच्छुक स्वयम्सेवी भावका चिकित्सक,प्यारामेडिक्सलगायतको आवस्यक भएको भन्दै सहयोगका लागि अनुरोध गरेका हुन् ।

नेता श्रेष्ठले ऐन्टिजेन किट्स, पिपीई, मास्क, स्यानिटाइजर, फेस शिल्ड, अक्सिजन सिलिण्डर र औषधिहरु सहयोग गर्न पनि अनुरोध गरेका छन् ।

‘कोरोनाको यो महामारीको समयमा कोभिड स्वयंसेवा समुह Covid Volunteer Service Team (CVS ) सँग जोडिएर जिल्ला र गाँउहरुमा जनतालाई सेवा गर्न जान स्वयंसेवी भावका चिकित्सक, प्यारामेडिकस साथीहरु आवश्यक भएकाले म बिनम्रतापुर्वक अनुरोध गर्दछु । कृपया यो सँकटको घडीमा साथ दिन कोही तयार हुनुभए तुरुन्त सम्पर्क गर्नुहोला । सम्पर्क नं ९८५१०३८३९१ ।’ नेता श्रेष्ठले लेखेका छन् ।

नेता श्रेष्ठको नेतृत्वमा रहेको कोभिड स्वयंसेवा समुहले उपत्यकाभित्र निशेधाज्ञाका कारणले पिसीआर परीक्षण गर्न तथा कोरोना संक्रमण भएर अस्पतालसम्म जान कठिनाइ भएकाहरुका लागि Rapid Rescue team परिचालन गरेर सेवा दिइरहेको छ ।
त्यसका लागि इन्द्रराज भट्टराई ९८५१०६०५८८, उत्तर कुमार श्रेष्ठ ९८५११५९२०३ र प्रकाश पोखरेल ९८५११९५६६४ मा सम्पर्क गरेर सहयोग लिन सकिने बताइएको छ ।