हामी सबैकाे संसारन्यूज

२ जेठ, काठमाडौ । रुपन्देहीमा थप १० जनाको मृत्यु भएको छ । लुम्बिनी प्रादेशिक अस्पतालका अनुसार आइतबार बिहान मात्र ५ जना र अन्य ५ जना गरी १० जनाको मृत्यु भएको हो ।
अस्पतालका अनुसार आज मृत्यु हुनेमा तिलोत्तमाका १, गुल्मीका २ र नवलपरासीका १ र नाम नखुलेका १ गरी ५ पुरुषको मृत्यु भएको हो ।

नवलपरासी भुमइ ६ का ४८ वर्षीय पुरुषको उपचारका क्रममा आइतबार १२ः४० मा मृत्यु भएको छ । उनमा बैशाख २४ गते संक्रमण पुष्टि भएको थियो ।

गुल्मीको सत्यवती ५ का ४५ वर्षीय पुरुषको पनि आइतबार विहान ५ः१५ मा मृत्यु भएको छ । उनमा बैशाख २६ गते संक्रमण देखिएको थियो ।

गुल्मी इश्मा ४ का ४५ वर्षीय पुरुषको पनि उपचारका क्रममा आइतबार बिहान ८ः४४ मा मृत्यु भएको छ । उनमा आजै संक्रमण पुष्टि भएको थियो ।

बुटवलको तिलोत्तमा ५ का ६० वर्षीय पुरुषको पनि उपचारका क्रममा मृत्यु भएको छ । बैशाख २८ गते संक्रमण पुष्टि भएका उनको आइतबार बिहान ८ः३० मा मृत्यु भएको हो ।

त्यस्तै नाम नखुलेका अर्का एक पुरुषको पनि आइतबार बिहान ९ बजे मृत्यु भएको छ । बैशाख ३० मा अस्पतालमा भर्ना भएका उनमा ३१ गते कोरोना पोजेटिभ देखिएको थियो ।

त्यसैगरी जेठ १ गते गुल्मी धुर्कोटका ३३ वर्षीय पुरुष र तिलोत्तमा ४ का ३६ वर्षीय पुरुष, बैशाख ३१ गते रुपन्देहीको सैनामैना ८ का ५४ वर्षीय पुरुष र बुटवल ११ की ६० वर्षीया महिला, तथा बैशाख ३० गते सैनामैना १ का ६४ वर्षीय पुरुषको पनि उपचारकै क्रममा मृत्यु भएको अस्पतालका सूचना अधिकारी डा. विष्णु गौतमले जानकारी दिएका छन् ।