हामी सबैकाे संसारन्यूज

४ जेठ, काठमाडौं । भारतमा कोरोना संक्रमित हुनेको संख्या निरन्तर घटिरहेको छ । भारतमा आइतबारको तुलनामा सोमबार झण्डै २० हजाले संक्रमित हुनेको संख्यामा कमी आएको हो ।

त्यसैगरी सोमबार ४ हजार ३३४ जनाको मृत्यु भएको छ । भारतमा संक्रमित हुनेको संख्यामा कमी आए पनि मृत्यु हुनेको संख्या भने बढिरहेको छ । समाचार एजेन्सीका अनुासार एकैदिन मृत्यु हुनेको यो संख्या अहिलेसम्मकै बढी हो ।

साथै सोहि अवधिमा ४ लाख २२ हजार जना कोरोना संक्रमणबाट मुक्त भएका छन् । केहि दिनयता भारतमा संक्रमित हुने भन्दा निको हुनेको संख्या बढिरहेको छ ।
भारतमा हालसम्म २ करोड ५२ लाखमा कोरोना संक्रमण भएको छ । ती मध्ये २ करोड १५ लाख निको भइसकेका छन् । साथै हालसम्म २ लाख ७८ हजार ज्यान गुमाइसकेका छन् ।

त्यसैगरी हाल ३३ लाख ४८ हजार जनाको उपचार भइरहेको छ ।

त्यस्तै महाराष्ट्रमा सोमबार २६ हजार ६१६ जना नयाँ संक्रमित थपिएका छन् । सोहि अवधिमा ४८ हजार २११ जना निको भएका छन् भने १ हजार जनाको मृत्यु भएको छ । महाराष्ट्रमा पनि मृत्यु हुनेको संख्यामा वृद्दि भएको छ ।

त्यस्तै दिल्लीमा सोमबार ४,५२४ जना नयाँ कोरोना संक्रमित थपिएका छन् । सोहि अवधिमा १० हजार ९१८ जना निको भएका छन् । साथै ३४० जनाको मृत्यु भएको छ ।