हामी सबैकाे संसारन्यूज

जेठ ४, काठमाडौं । नेकपा (एमाले)को विवाद समाधान गर्न गठित कार्यदलको पहिलो बैठक सकिएको छ । प्रधानमन्त्री कार्यालय सिंहदरबारमा बसेको बैठकले कार्यदलको कार्यक्षेत्र र कार्यविधि आचारसंहिता तुरुन्त लागु गर्ने निर्णय गरेको नेता भीम रावलले जानकारी दिए । उनका अनुसार समस्याहरुको समाधान गर्न कार्यदलले पार्टीपंक्तिलाई सहयोग र सद्भावका लागि आग्रह गरेको छ ।

‘पार्टीमा देखिएका समस्यलाई यथोचित रुपमा समाधान गर्दै पार्टीपंक्तिलाई एकताबद्ध रुपमा अघि बढाउन कार्यदलले सबैसँग सद्‌भावका लागि आग्रह गरेको छु’, रावलले भने, ‘पार्टी एकता र समझदारीलाई वृद्धि गर्ने र एकआपसमा अविश्वास, असहयोग र अन्तरविरोध सिर्जना हुने गतिविधिबाट अलग रहन पार्टीपंक्तिलाई हार्दिक आह्वान गर्ने निर्णय पनि गरेको छ।’

१० सदस्यीय कार्यदलको पहिलो बैठकमा प्रधानमन्त्री केपी शर्मा ओली पक्षका दुई सदस्यहरु शंकर पोखरेल र विष्णु पौडेल भने उपस्थित थिएनन् । उनीहरुले अनुपस्थितिको कारण कार्यव्यवस्थतालाई देखाएका छन् ।

बैठक भोली पुनः बस्ने नेता रावलले जानकारी दिए ।

प्रधानमन्त्री ओली र वरिष्ठ नेता माधवकुमार नेपालबीच भएको सहमतीअनुसार आइतबार विवाद समाधान कार्यदल गठन भएको थियो । कार्यदलले पार्टी विवादमा सुझाब दिन ३ दिनको समयसीमा पाएको छ ।