हामी सबैकाे संसारन्यूज

१० जेठ, काठमाडौं । पाँच राजनीतिक दलका महिला संगठनले प्रधानमन्त्री केपी शर्मा ओलीको सिफारिसमा राष्ट्रपतिद्धारा गरिएको संसद विघटनको भत्र्सना गरेको छ ।

विधि संगत ढंगले प्रधानमन्त्री नियुक्तिका लागि गरिएको दाबी अनुसार प्रधानमन्त्री नियुक्त नगरी गरिएको दोस्रो पटकको प्रतिनिधिसभा विघटन देशलाई अराजकता, अन्योलता र अनिश्चिततातिर धकल्ने कदम भन्दै यसका विरुद्ध संघर्ष गर्न प्रतिवद्ध रहेको जनाएका छन् ।

नेपाल महिला संघकी अध्यक्ष उमा रेग्मी, अखिल नेपाल महिला संघ (क्रान्तिकारी) की अध्यक्ष अमृता थापा, समाजवादी महिला संघ नेपालकी अध्यक्ष निर्मला यादव, अखिल नेपाल महिला संघका अध्यक्षद्धय जयन्ति राई र मिना पुनले संयुक्त रुपमा आइतबार विज्ञप्ति जारी गर्दै जनताको लामो संघर्षबाट प्रप्त संघीय लोकतान्त्रिक गणतन्त्र रक्षाका लागि एकजुट हुन समेत अपिल गरेका छन् ।