Sansar News
जेठ ३०, काठमाडौं । गण्डकी प्रदेशको नवगणित मन्त्रिपरिषदको बैठकले पूर्वमुख्यमन्त्रीहरुलाई सुविधा दिने निर्णय गरेको छ ।
आइतबार बसेको बैठकले पूर्व मुख्यमन्त्रीलाई सेवासुविधा उपलब्ध गराउन ऐन बनाएर अगाडि बढ्ने निर्णय गरेको मन्त्री कुमार खड्काले जानकारी दिए । कांग्रेस संसदीय दलका नेता कृष्णचन्द्र नेपाली पोखरेलको नेतृत्वमा शनिबार गण्डकीमा नयाँ सरकार बनेको थियो ।
आगामी आर्थिक बर्षका लागि नीति तथा कार्यक्रम र बजेटका बारेमा पनि मन्त्रिपरिषदमा छलफल भएको उनले जानकारी दिए।
प्रदेश सरकारले असार १ गते बजेट ल्याउनुपर्ने कानुनी बाध्यता छ। बजेटअघि नीति तथा कार्यक्रम सदनमा प्रस्तुत गर्नुपर्छ। यसका लागि पूर्वमुख्यमन्त्री पृथ्वीसुब्बा गुरुङसँग छलफल गरेर अघि बढ्ने निर्णय गरेको प्रवक्ता खड्काले बताए।
गण्डकी प्रदेशमा कांग्रेस संसदीय दलका नेता कृष्णचन्द्र नेपाली शनिबार मुख्यमन्त्री नियुक्त भएका थिए। उनको मन्त्रिपरिषदमा चार जना मन्त्री छन्।
वि.सं.२०७८ जेठ ३० आइतवार १४:४१ मा प्रकाशित
