हामी सबैकाे संसारन्यूज

९ असार, काठमाडौँ । सगरमाथा इन्स्योरेन्स कम्पनीले साधारणसभा आह्वान गरेको छ । कम्पनीले असार ३० गते बुधबार साधारणसभा आह्वान गरेको हो । कम्पनीले सभा प्रधान कार्यालय, नक्साल, काठमाडौंमा असार ३० बिहान ११ बजे गर्ने कम्पनीले बताएको छ । कोभिड जोखिमलाई मध्यनजर गर्दै सभा भर्चुअल माध्यमबाट गर्ने समेत कम्पनीले जनाएको छ ।

सभामा कम्पनीले आर्थिक वर्ष ७६/७७ को मुनाफाबाट हाल कायम चुक्ता पुंजीको ११ प्रतिशत बोनस शेयर र कर प्रयोजनको लागि ०.५७८९ प्रतिशत नगद नगरी कुल ११.५७८९ प्रतिशत लाभांश वितरण गर्ने प्रस्ताव गरेको छ । साधारणसभाले पारित गरेपछि उक्त लाभांश लगानीकर्तामा वितरण हुनेछ ।

कम्पनीले साधारणसभा प्रयोजनको लागि असार १७ गते बुक क्लोज गर्ने निर्णय गरेको छ । असार १६ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउने छन् ।