Sansar News
असार १४, काठमाडौं । प्रतिनिधि सभा विघटनविरुद्व परेका रिटहरुमाथि आजदेखि विपक्षीको तर्फबाट बहस सुरु भएको छ । रिट निवेदक पक्षका कानून व्यवसायीहरुको बहस सकिएसँगै विपक्षी तथा सरकारी कानून व्यवसायीहरुले बहस सुरु गरेका हुन् ।
बहसको सुरुवात महान्यायाधिवक्ता रमेश बडालले गरेका छन् । इजलासमा महान्याधिवक्ता बडालसँगै पूर्वमहान्यायाधिवक्ताद्धय सुशील पन्त र अग्नि खरेलले पनि बहस गर्नेछन् ।
संवैधानिक इजलासले सरकार पक्षलाई बहसको लागि १५ घण्टाको समय सीमा छुट्याएको छ । यो अवधी सरकार वकिलसँगै प्रत्यार्थीतर्फबाट निजी कानुन व्यवसायीका लागि पनि हो ।
यसअघि आइतबार संसद विघटनविरुद्व दायर मुद्दामा रिट निवेदकका तर्फबाट प्रारम्भिक बहस सकिएको थियो । प्रारम्भिक बहसमा निवेदकका तर्फबाट ३६ कानुन व्यवसायीले बहस गरेका थिए । उनीहरुले तोकिएको अवधिअनुसार १२ घण्टाको समय लिएका थिए ।
वि.सं.२०७८ असार १४ सोमवार १२:१० मा प्रकाशित
