Sansar News
१४ असार, काठमाडौं । पछिल्लो २४ घण्टामा कोरोनाका २४४४ जना नयाँ संक्रमित थपिएका छन् । पछिल्लो २४ घण्टामा ६,६४८ हजार पिसीआर र ४९९२ ऐन्टिजेन गरी ११,६४० नमुना परीक्षणमा २४४४ जना संक्रमित थपिएका हुन् ।
आज भक्तपुरमा ४७, ललितपुरमा ११२ र काठमाडौंमा ३५५ गरी उपत्यकामा ५१४ जनामा संक्रमण पुष्टि भएको छ । आइतबारको तुलनामा उपत्यकामा संक्रमित हुनेको संख्या केही बढी हो ।
नेपालमा हालसम्म पिसीआर विधिबाट ६ लाख ३५ हजार १८८ जना र ऐन्टिजेन विधिबाट ३३ हजार ३३ गरी कूल ६ लाख ६८ हजार २२१ जना संक्रमित भएका छन् ।
त्यसैगरी पछिल्लो २४ घण्टामा देशैभरी ३८५३ जना कोरोना संक्रमणबाट मुक्त भएका छन् । आज निको भएका ३८५३ जनासँगैै नेपालमा कोरोना संक्रमणबाट मुक्त हुनेको संख्या ५ लाख ८८ हजार १८७ पुगेको छ । मन्त्रालयका अनुसार निको हुनेको यो संख्या ९२.६ प्रतिशत हो ।
त्यस्तै पछिल्लो २४ घण्टामा ४२ जना कोरोना संक्रमितको मृत्यु भएको छ । आज मृत्यु भएका४२ जनासँगै नेपालमा हालसम्म ज्यान गुमाउनेको संख्या ९०५१ पुगेको मन्त्रालयद्धारा जारी विवरणमा उल्लेख छ ।
मन्त्रालयका अनुसार हाल नेपालमा हाल ३७ हजार ९५० जना संक्रिय संक्रमित रहेका छन् । ती मध्ये होम आइसोलेशनमा ३५ हजार ७५ र संस्थागत आइसोलेशनमा २८७५ जना रहेका छन् ।
त्यस्तै देशैभरीका विभिन्न अस्पतालका आइसीयुमा ६५७ र भेन्टिलेटरमा १९३ जनाको उपचार भइरहेको छ । आइतबारको तुलनामा सोमवार भेन्टिलेटर र आइसीयुमा उपचार गराउनेको संख्या घटेको छ ।
वि.सं.२०७८ असार १४ सोमवार १६:५९ मा प्रकाशित
