पटक पटक प्राकृतिले पनि छलेको देख्दा
देशमा कोरोना,बाढी र पहिरो चलेको देख्दा
के हुँदैछ हाम्रो देशमा बुझ्नै गाह्रो भयो आज
नेपालीको मेलमिलापमा वैरीहरु जलेको देख्दा ।
घरबास सबै बगायो बाढीले रुन्छु सडकमा
स्वर्ग झैँ सम्झी मीठो सपना बुन्छु सडकमा
कसैको केही लाग्दैन यहाँ प्रकृति रिसाउँदा
सुनसान यो रातमा एक्लै म रुन्छु सडकमा ।
कोरोनाको कहरसँगै रोएकी छु छोरा
आँसुले सधै मैलो चोली धोएकी छु छोरा
परदेशमा तिमी रुन्छौ पीडा हुन्छ मलाई
रातदिन तिम्रै यो तस्बिर छोएकी छु छोरा ।
कोरोनाको कहरसँगै महङ्गी बढेको छ आज
शोक, भोक र रोगले मानव मरेको छ आज
अक्सिजनको अभावमा छटपटाउदा बिरामीहरु
दिनरात चिकित्सकको टोली खटेको छ आज ।
वि.सं.२०७८ असार २६ शनिवार ०७:१० मा प्रकाशित
