हामी सबैकाे संसारन्यूज

३ साउन, काठमाडौँ। नेकपा एमालेका वरिष्ठ नेता झलनाथ खनालले प्रधानमन्त्री शेरबहादुर देउवालाई विश्वासको मत दिन आग्रह गरेका छन्। भारतको नयाँदिल्लीमा उपचार गराइरहेका खनालले एक विज्ञप्ति जारी गर्दै एमाले सांसदलाई कुनै अलमल र आक्रोशको प्रभावमा नपरी देउवा सरकारलाई विश्वासको मत दिन आग्रह गरेका हुन्।

विश्वासको मत दिँदा आफ्नो मत पनि देउवाकै पक्षमा हुने बताएका छन्। उनले अबको दुई वर्ष देउवा सरकारले काम गर्ने समेत बएका छन्।

देउवाले आज संसदमा विश्वासको मत लिँदै छन्। आज बजे संसद् बैकठ बस्दै छ।

नेता खनालले सर्वोच्च अदालतको फैसलालाई एउटा ऐतिहासिक फैसला भएको बताएका छन् । उनले भनेका छन् ‘सम्मानित सर्वोच्च अदालतको फैसललाले निकै लामो समयदेखि गलत बाटोमा गैरहेको नेपालको लोकतान्त्रिक आन्दोलनको प्रवाहलाई ठिक बाटोमा ल्याएको छ। संविधानको संरक्षण भएको छ । संविधानको सहि व्याख्या समेत गरिएको छ ।’

‘जेठ २ गते पुराएको यथार्थलाई स्वीकार गरौँ, त्यहि जेष्ठ २ को वास्तविकताको धरातलबाट पार्टीका र सबै जनसंगठनका संरचनाहरुलाई पनि अघि बढाऔँ, सिंगो र पूर्ण केन्द्रीय कमिटीको बैठक विधिपूवर्क बोलाऔँ, २८ असारको सर्वोच्चको फैसलापछि उत्पन्न नयाँ राजनीतिक परिस्थितिको विश्लेषण गरौँ, फैसललााई दृढतापूर्वक कार्यान्वयन गरौँ ।’ उनले पार्टी एकतामा जोड दिँदै भनेका छन् ‘पार्टीलाई एकताबद्ध बनाएर अघि बढाउनका निम्ति जोसुकैले जुनसुकै कुरा त्याग गर्न पनि तयार होऔँ ।’