Sansar News
साउन ३, काठमाडौं । नेकपा (माओवादी केन्द्र)ले प्रधानमन्त्री शेरबहादुर देउवालाई विश्वासको मत दिने निर्णय गरेको छ । देउवाले विश्वासको मत लिने निर्णय गरेसँगै सिंहदरबारमा बसेको पार्टी संसदीय दलको बैठकले यस्तो निर्णय गरेको हो ।
प्रधानमन्त्री देउवाको पक्षमा उभिने निर्णय गरेको माओवादी केन्द्रका नेता मातृक यादवले जानकारी दिए । अदालतका देउवाको पक्षमा हस्ताक्षर गर्ने सबै सांसदहरुले देउवाको पक्षमा मत हाल्ने उनको भनाई थियो ।
नेता यादवले अदालतमा हस्ताक्षर नगर्ने सांसदहरु पनि देउवाको पक्षमा आउने विश्वास व्यक्त गरे ।
नेता यादवले बताएअनुसार बैठकमा अध्यक्ष पुष्पकमल दाहाल प्रचण्डले पछिल्लो राजनीतिक घटनाक्रमका बारेमा सांसदहरुलाई ब्रिफिङ गरेका थिए ।
सर्वोच्चको परमादेशसँगै गत असार २९ मा प्रधानमन्त्री नियुक्त भएका देउवाले आइतबार बस्ने प्रतिनिधि सभाको दोस्रो बैठकमा विश्वासको मत लिने कार्यसूची तय भएको छ ।
वि.सं.२०७८ साउन ३ आइतवार १४:५४ मा प्रकाशित
