हामी सबैकाे संसारन्यूज

४ साउन, काठमाडौँ । भारत र श्रीलंका बिचको पहिलो एकदिवसीयमा भारत ७ विकेटले विजयी भएको छ ।

टस जितेर पहिले ब्याटिङ्ग गर्ने निणर्य लिएको श्रीलंकाले ५० ओभरमा ९ विकेट गुमाएर २६२ रन बनाएका थियो । श्रीलंकाका लागि ब्याटिङ्गमा चमिका करुणारत्नेले सर्वाधिक ४३ रन बनाएका थिए भने भारतका लागि बलिङ्ग तर्फ दिपक चाहर, कुलदिप यादव र युजवेन्द्र चाहलले समान २/२ विकेट हात पारेका थिए ।

श्रीलंकाले दिएको २६३ रनको लक्ष्य भारतले ३६.४ ओभरमा ३ विकेट गुमाएर पुरा गर्यो । भारतका लागि कप्तान शिखर धवनले सर्वाधिक ८५ रन बनाएका थिए । त्यसैगरी पृथ्वी शहले ४३, इशान किसनले ५९, मनिष पांडेले २० र सूर्याकुमार यादवले ३१ रन बनाएका थिए । श्रीलंकाका लागि बलिङ्ग तर्फ भने धनंजया डि सिल्वाले सर्वाधिक २ विकेट हात पारेका थिए ।

जितसँगै भारतले ३ खेलको एकदिवसीय श्र्रखलामा १-० ले अग्रता लिएको छ ।