हामी सबैकाे संसारन्यूज

४ साउन, काठमाडौँ । पाकिस्तान र इंल्याण्ड बिचको दोस्रो टि २० मा पाकिस्तान ४५ रनले पराजित भएको छ ।

टस हारेर पहिले ब्याटिङ्ग गरेको इंल्याण्डले १९.५ ओभरमा १० विकेट गुमाएर २०० रन बनाएको थियो । इंल्याण्डका लागि कप्तान जस बटलरले ३९ बलमा ५९ रनको विस्फोटक पारी खेलेका थिए । त्यसैगरी लियम लिभिंगस्टोनले ३८ र मोइन अलिले ३६ रनको शानदार पारी खेलेका थिए । पाकिस्तानका लागि बलिङ्गमा मोहम्मद हसनैनले सर्वाधिक ३ विकेट लिएका थिए ।

२०१ रनको विशाल लक्ष्य पछाएको पाकिस्तानकाे टिमले २० ओभरमा ९ विकेट गुमाएर १५५ रनमात्र बनाउन सक्यो । पाकिस्तानका लागि मोहम्मद रिजवनले ३७ रन र शादाब खानले ३६ रनको विस्फोटक पारी खेले पनि टिमलाई जित भने दिलाउन सकेनन् । इंल्याण्डका लागि साकीब महमूदले उत्कृष्ट बलिङ्ग गर्दै ४ ओभरमा ३३ रन खर्चेर ३ विकेट हात पारेका थिए । त्यसैगरी आदिल रसिद र मोइन अलिले पनि समान २/२ विकेट लिएका थिए ।

जितसँगै इंल्याण्डले ३ खेलको टि-२० श्रृखलामा पनि १-१ ले बराबरी गरेको छ ।