हामी सबैकाे संसारन्यूज

६ साउन, पोखरा । कोरोना संक्रमणबाट गण्डकी प्रदेशमा आज ३ जनाको मृत्यु भएको छ ।

प्रदेशको स्वास्थ्य निर्देशनालयका अनुसार प्रदेशमा बुधवार नवलपरासीपूर्वमा १ र कास्कीमा १ गरी ३ जनाको मृत्यु भएको हो । बुधवार थपिएका ३ जनासँगै प्रदेशमा हालसम्म मृत्यु हुनेको संख्या १०४१ पुगेको छ ।

त्यस्तै प्रदेशमा आज म्याग्दीमा १८, पर्वतमा ३४, गोरखामा १३, लमजुङमा २१, तनहुँमा ३८, कास्कीमा ११२, वाग्लुङमा ३, स्याङजामा ४६ र नवलपरासीपूर्वमा ७८ जना गरी ३६३ जना नयाँ संक्रमित थपिएका छन् । ती मध्ये १७१ जना महिला र १९२ जना पुरुष रहेका छन् ।

बुधवार थपिएका ३६३ जनासँगै प्रदेशमा हालसम्म ६२ हजार ७२४ जनामा कोरोना संक्रमण पुष्टि भएको छ भने ती मध्ये ५८ हजार ५७४ जना निको भइसकेका छन् ।

प्रदेशमा हाल ३१०९ सक्रिय संक्रमित रहेका छन् । ती मध्ये होम आइसोलेशनमा २८११ जना रहेका छन् भने अन्यको विभिन्न अस्पताल तथा संस्थागत आइसोलेशन सेन्टरमा उपचार भइरहेको निर्देशनालयद्धारा जारी विवरणमा उल्लेख छ ।

कोरोना संक्रमणका कारण गण्डकी प्रदेशमा ७ को मृत्यु, ४३८ संक्रमित