Sansar News
६ साउन, काठमाडौं । नेपाली कांग्रेसका सांसद डा अमरेश कुमार सिंह पार्टीका सभापति तथा प्रधानमन्त्री केपी शर्मा समक्ष सांसद पदबाट राजिनामा दिएको पत्र बुझाएका छन् ।
पार्टी विधान विपरित क्रियाशील सदस्यता बाडेको र त्यसलाई रोक्नुपर्ने माग गर्दै पार्टी कार्यालय सानेपामा बसेका सर्लाहीका नेता तथा कार्यकर्ताप्रति ऐक्यबद्धता जनाउँदै उनले बुधवार राजिनामा पत्र बुझाएका हुन् ।
‘महाधिशबेशनको पूर्व सन्ध्यामा पार्टीको क्रियाशील सदस्यता वितरण, समायोजन र नविकरणका क्रममा पार्टीभित्र उत्पन्न अवान्छित, अस्वभाविक र भद्दा प्रवृत्तिले नेपाली कांग्रेस चुस्त र गतिशील मार्गमा अवरोध प्रदान गरेको छ ।’ सिंहले बुझाएको राजिनामा पत्रमा उल्लेख छ ।
त्यस्तै सिंहले नेपाल कम्युनिष्ट नेतृत्वको सरकार असफल भएपछि नेपाली कांग्रेसमा मुलुकका यावत समस्याहरुको समाधान खोज्ने चुनौती थपिएको समेत बताएका छन् ।
वि.सं.२०७८ साउन ६ बुधवार १९:४४ मा प्रकाशित
