हामी सबैकाे संसारन्यूज

६ साउन, बेइजिङ । कोरोना शुरु भएयता हालसम्म विश्वभर यस सङ्क्रमणबाट ज्यान गुमाउनेको संख्या ४० लाख ९५ हजार नाघेको छ ।

जोन्स हप्किन्स विश्वविद्यालयले दिएको पछिल्लो विवरणअनुसार विश्वभरमा ४१ लाख १८ हजार ४४१ जनाको मृत्यु भएको छ । विश्वभरी कूल सङ्क्रमितको संख्या १९ करोड १४ लाख ४८ हजार ९१४ जना रहेका छन । विश्वभर तीन अर्ब ८९ करोड ९७ लाख ८६ हजार ३७१ डोज कोरोनाविरुद्ध खोप लगाइएको छ ।

सो विश्वविद्यालयले जुलाई २१ मा प्रकाशित गरेको विवरणअनुसार कोरोनाबाट अत्यन्त प्रभावित बीस देशका सङ्क्रमित र यस सङ्क्रमणबाट ज्यान गुमाएका नागरिकको संख्या यसप्रकार रहेका छन् ।

यस्तो छ संक्रमित हुने र ज्यान गुमाउनेको संख्या

संयुक्त राज्य अमेरिका– तीन करोड ४१ लाख ७४ हजार ७७४ संक्रमित भएका छन् भने छ लाख ९ हजार ५२९ को मृत्यु भएको छ । साथै भारतमा तीन करोड १२ लाख १६ हजार ३३७ संक्रमित भएका छन् भने चार लाख १८ हजार ४८० को मृत्यु भएको छ । ब्राजिलमा एक करोड ९४ लाख १९ हजार ४३७ संक्रमित भएका छन् भने पाँच लाख ४४ हजार १८० को मृत्यु भएको छ । साथै फ्रान्समा ५९ लाख ५२ हजार ३३९ संक्रमित, एक लाख ११ हजार ७१५ को मृत्यु भएको छ ।

त्यस्तै रुसमा हालसम्म ५९ लाख ३१ हजार ९२५ संक्रमित भएका छन् भने एक लाख ४७ हजार ४५७ मृत्यु भएको छ । साथै टर्कीमा ५५ लाख ४६ हजार १६६ संक्रमित तथा ५० हजार ६५० को मृत्यु भएको छ ।

त्यस्तै बेलायतमा ५५ लाख ४२ हजार ६३५ संक्रमित र एक लाख २९ हजार १०९ मृत्यु भएको छ भने अर्जेन्टिनामा ४७ लाख ८४ हजार २१९ संक्रमित तथा एक लाख दुई हजार ३८१ ज्नाको मृत्यु । कोलोम्बियामा ४६ लाख ६८ हजार ७५० संक्रमित, एक लाख १७ हजार १३१ को मृत्यु भएको छ भने इटालीमा ४२ लाख ९३ हजार ८३ संक्रमित र एक लाख २७ हजार ८८४ को मृत्यु भएको छ ।

स्पेनमा ४१ लाख ८९ हजार १३६ संक्रमित र ८१ हजार १४८ को मृत्यु भएको छ । साथै जर्मनीमा ३७ लाख ५४ हजार ८४६ र ९१ हजार ४२३ को मृत्यु भएको छ ।
त्यस्तै इरानमा ३५ लाख ७६ हजार १४८ संक्रमित र ८७ हजार ६२४ जनाको मृत्यु भएको छ ।

इन्डोनेसियामा २९ लाख ५० हजार ५८ जना संक्रमित भएका छन् भने ७६ हजार २०० जनाको मृत्यु भएको छ । साथै पोल्याण्डमा २८ लाख ८१ हजार ५९४ संक्रमित र ७५ हजार २१९ जनाको मृत्यु भएको छ ।

त्यस्तै मेक्सीकोमा २६ लाख ७८ हजार २९७ संक्रमित र दुई लाख ३६ हजार ८१० जनाको मृत्यु भएको छ भने युक्रेनमा २३ लाख १९ हजार ८८६ संक्रमित भएका छन् भने ५५ हजार २२१ जनाको मृत्यु भएसकेको छ ।

त्यस्तै दक्षिण अफ्रिकामा २३ लाख ११ हजार ३३२ संक्रमित भएका छन् भने ६७ हजार ६७६ जनाको मृत्यु भएको छ भने पेरुमा २० लाख ९४ हजार ४४५ जना संक्रमित र एक लाख ९५ हजार २४३ जनाको मृत्यु भएको छ । साथै नेड्रल्याण्डमा १८ लाख ४२ हजार ६५३ संक्रमित र १८ हजार ६९ जनाको मृत्यु भएको छ । सिन्ह्वा