साउन ७, काठमाडाैं । नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ले अहिलेकाे संसदीय व्यवस्था लुटेरा खालकाे भएकाे टिप्पणी गरेका छन् । पार्टीकाे अंग्रेजी मुखपत्र रेडफ्रन्ट म्याग्जिनको विमोचन समारोहलाई बुधबार सम्बोधन गर्दै विप्लवले अहिलेकाे व्यवस्थामा सबै तिर लुटपाट मात्रै मच्चिएकाे बताए ।
उनले बालुवाटार बेच्ने संरक्षण गरेर सरकारले आफ्नाे पार्टीलाई बिनाकारण प्रतिबन्ध लगाएकाे बताए । उनले एनसेल काण्डमा सबै मिलेर लुटिएकाे र विराेध गर्ने संगठनलाई प्रतिबन्ध लगाएकाे बताए ।
विप्लवले अहिलेकाे व्यवस्थाकाे विकल्प खाेज्नुकाे विकल्प नभएकाे पनि बताए । अहिले संसदीय व्यवस्था निकै विकृत भएकाे भनाइ विप्लवकाे छ । महासचिव विप्लवले भने – ‘अहिले पार्टी एकता गर्न विदेशी चाहिन्छ, फुटाउन विदेशी चाहिन्छ, उपचार गर्न विदेश चाहिन्छ, पञ्चायतमा पनि यति साह्रो विकृति थिएन ।’
भिडियाेमा हेर्नुहाेस् विप्लवकाे भनाई
