हामी सबैकाे संसारन्यूज

३१ साउन, काठमाडौं । अफगानिस्तानका कार्यवाहक गृहमन्त्री अब्दुल सत्तार मिर्जाकवालले शान्तिपूर्ण रुपमा सत्ता हस्तान्तरण गरिने बताउँदै शान्त रहन कावुलवासी जनतालाई आग्रह गरेका छन् ।

तालिबान बिद्रोहीले देशका अधिकांश सहर कब्जा गर्दै आइतवार राजधानी कावुल पुगेपछि गृहमन्त्रीले कावुलमा तालिबानीले आक्रमण नगर्ने विश्वास व्यक्त गर्दै यस्तो बताएको समाचार ऐजेन्सीले जनाएका छन् ।

तालिबानी विद्रोही समुह कावुलमा प्रवेश गरेपछि त्यहाँका राष्ट्रपति असरफ घानीे सत्ता छोड्ने भएका छन् । राजधानी पसेका तालिवानीहरु सरकारसँग वार्ताका लागि राष्ट्रपति भवनमा प्रवेश गरेको र उनीहरुसँग वार्ता तथा राष्ट्रिय मेलमिलापका लागि उच्च आयोगका प्रमुख अब्दुल्लाह अब्दुल्लाहले मध्यस्थता गरेको समाचार संस्था खामाले उल्लेख गरेको छ ।

यसअघि तालिवानी समुहले आफ्ना लडाकुलाई काबुल बाहिर रहन तथा आक्रमण नगर्नन निर्देशन दिएको थियो ।