हामी सबैकाे संसारन्यूज

साउन ३१, काठमाडौं । नेकपा (एमाले)मा विवाद उत्कर्षमा पुगिरहेको बेला एमाले उपाध्यक्ष भीम रावल महासचिव इश्वर पोखरेललाई भेट्न पुगेका छन् । रावल आइतबार पोखरेललाई भेट्न उनकै निवास धुम्बाराही पुगेका हुन् । उनीहरुबीच झण्डै डेढ घण्टासम्म छलफल भएको बताइएको छ ।

बताइएअनुसार दुई नेताबीच १० बुँदे सहमतिको विषयमा छलफल भएको थियो । दुई नेताबीच मध्यमार्गी सम्भावनाको विषयमा छलफल भएको बुझिएको छ ।

रावल पछिल्लो समय पार्टी एकताका लागि ओली पक्षका नेताहरुसँग निरन्तर संवादमा छन् । उनी माधवकुमार नेपाल समूहको निर्णयभन्दा फरक रुपमा मध्यमार्गी शैलीमा संवादहरु अगाडि बढाइरहेका छन् ।

पार्टी अध्यक्ष केपी शर्मा ओलीले एक पक्षीय रुपमा विधान संशोधनसहित महाधिवेशन केन्द्रीत कार्यक्रम अगाडि बढाएसँगै एमालेको विवाद चरमतारित छ । माधव पक्षले एकताको सम्भावना नरहेको ठहरसहित समानान्तर गतिविधि बढाउन थालेको छ । जसमा रावलसहित केहि नेता मध्यमार्गी धारको खोजीमा लागेका छन् ।