हामी सबैकाे संसारन्यूज

३१ साउन, काठमाडौँ । माओवादी केन्द्र निकट विद्यार्थी संगठनअखिल नेपाल राष्ट्रिय स्वतन्त्र विद्यार्थी यूनियन (क्रान्तिकारी) ले आउँदो असोजमा २२ औं राष्ट्रिय सम्मेलन गर्ने निर्णय गरेको छ ।

आइतबार पत्रकार सम्मेलन गर्दै अनेरास्ववियु क्रान्तिकारीका अध्यक्ष रञ्जित तामाङले आउँदो असोज ८ देखि १० गते २२ औं राष्ट्रिय सम्मेलन गर्ने निर्णय गरेको जानकारी दिएका हुन् ।

अध्यक्ष तामाङका अनुसार सम्मेलनलाई सम्पन्न गर्नका लागि आउँदो भदौ १५ सम्ममा इकाई क्याम्पस, पालिका भेला गरिसक्ने, भदौ २५ सम्ममा जिल्लाहरुको भेला र भदौ २५ देखि असोज १ गतेसम्म प्रदेश भेला गरिसकिनेछ । त्यस्तै सबै तहका भेला/सम्मेलनहरु सहमतिका आधारमा गरिने र संगठनको विधानलाई व्यवस्थित गर्न भर्चुअल माध्यमबाटै विधान सम्मेलन गरिने पनि अध्यक्ष तामाङले बताए ।

२१ औँ राष्ट्रिय सम्मेलनमा २२ सय प्रतिनिधि रहेकोमा यो सम्मेलनमा भने कोभिड कहरका कारण ७९९ मात्रै प्रतिनिधि रहने जनाइएको छ । सम्मेलनका लागि विभिन्न समिति तथा उपसमितिहरु बनाई कार्यविभाजनसमेत गरिएको जानकारी पनि सो अवसरमा दिइयो ।

काठमाडौंको प्रज्ञा भवनमा आयोजना गरिने सम्मेलनको उद्घाटन माओवादी केन्द्रका अध्यक्ष पुष्पकमल दाहालको उपस्थितिमा हुनेछ भने बन्द सत्र केन्द्रीय क्याम्पसमा गर्ने तयारी छ ।

बैठकले समसामयिक विषयमा विभिन्न निर्णयहरु गरेको छ । विज्ञप्तिमा जनाइए अनुसार चिकित्सा शिक्षा आयोगद्वारा मेडिकल र पारामेडिकल अध्ययनका लागि लिइएको प्रवेश परीक्षामा क्षमताभन्दा थोरै विद्यार्थी उत्तीर्ण गराइएकाले पुनः प्रवेश परीक्षाको मिति सार्वजनिक गरी विद्यार्थीहरुलाई देशभित्रै अध्ययनको वातावरण मिलाउन माग गरेको छ ।

मध्यपश्चिम विश्वविद्यालयमा भइरहेको आन्दोलनप्रति ऐक्यबद्धता जनाउँदै खुल्ला प्रतिस्प्र्धाका आधारमा नयाँ उपकुलपतिलाई नियुक्ति गर्न माग गरिएको छ ।

यस्तै विभिन्न इन्निियरिङ क्याम्पसहरुमा शुल्कबृद्धिको विरुद्धमा भैरहेको आन्दोलनमा ऐक्यबद्धता प्रकट गरिएको छ । त्रिविका आशिंक क्याम्सपमा इन्जिनियरिङ, मेडिकल, बाािणज्य, कानुन लगायतका विषयमा कोटा थप गर्न, कक्षा ११ र १२ का मा दिइँदै आएको छात्रवृत्ति कार्यान्वयनमा देखिएको कठिनाइको समाधान गर्न कार्यविधि बनाइ सहज बनाउन लगायतका विभिन्न ९ निर्णयहरु गरेको छ ।