हामी सबैकाे संसारन्यूज

३१ साउन, काठमाडौँ । नेकपा माओवादी केन्द्रको केन्द्रीयसाउन २९ देखि चलेको केन्द्रीय समिति बैठक शनिबार अध्यक्ष पुष्पकमल दाहाल प्रचण्डद्वारा प्रस्तुत राजनीतिक र विधान संसोधन प्रस्ताव सर्वसम्मत पारित गर्दै सकिएको छ ।

पुस ११ देखि १३ गतेसम्म राष्ट्रिय सम्मेलन गर्ने लगायत विषय समेटिएको अध्यक्ष पुष्पकमल दाहालको राजनीतिक तथा संगठनात्मक प्रतिवेदन पारित गर्दै आइतबार टुंगिएको हो ।

बैठकले मुलुकमा प्रतिगामी कदम असफल भए पनि खतरा अझै बाँकी रहेको निष्कर्ष बैठकले निकालेको प्रवक्ता नारायणकाजी श्रेष्ठले बताए ।
यस्तै बैठकले राष्ट्रिय एकताका लागि वाम लोकतान्त्रिक सहकार्यलाई निरन्तरता दिन आवश्यक रहेको ठहर समेत गरेको छ ।

प्रचण्डको प्रस्ताव अनुसार यस्ता छन् निर्णयहरु :
१) २०७८ भदौ मसान्तसम्म देशैभर पार्टी सदस्यता नवीकरण र नयाँ सदस्यता वितरण गर्ने ।
२) २०७८ असोज १० गते–देशैभर एकै दिन सेल र टोल भेला ।
३)२०७८ असोज २० गते वडा सम्मेलन
४) २०७८ असोज ३० गते गाउँपालिका र नगरपालिका सम्मेलन ।
५) २०७८ मङ्सिर १५ गते प्रदेश सम्मेलन
६) २०७८ पुस ११ देखि १३ सम्म पार्टीको ऐतिहासिक राष्ट्रिय सम्मेलन सम्पन्न गर्ने ।
७) संघीयताको मर्मअनुसार जिल्ला समिति माओवादीमा नरहने, संयोजन समितिमात्रै रहने ।
८) जनवर्गीय एवं विभिन्न जातिय र क्षेत्रिय मोर्चाहरूको सम्मेलन, भेला, बैठकहरू असोज मसान्तासम्म सम्पन्न गर्ने ।
९) जनयुद्धका घाइते, अपांग तथा छापामारलाई परिचयपत्र दिइने ।
१०) विधान संशोधनसहित पारित गरिएको छ ।
११) उत्पादनका निम्ति संघर्ष र जनपरिचालन गर्ने ।
१२) सबै रिक्त कमिटिमा पदपूर्ति गर्ने । जसका लागि केन्द्रीय समितिले ७ दिनको समयसिमा दिएर स्थायी समितिलाई जिम्मा ।