हामी सबैकाे संसारन्यूज

२४ भदौ, काठमाडौं । पछिल्लो २४ घण्टामा देशैभरी ११४६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पिसीआर र ऐन्टिजेन विधिबाट गरिएको १०,९१६ वटा नमुना परीक्षणमा देशैभरी ११४६ जनामा संक्रमण पुष्टि भएको छ ।

आज काठमाडौंमा २५७, भक्तपुरमा ४१ र ललितपुरमा ५६ जना गरी उपत्यकामा आज ३५४ जना संक्रमित थपिएका छन् । बिहीवारको तुलनामा उपत्यकामा आज पनि संक्रमितको संख्या केही घटेको छ ।

आज थपिएका ११४६ संक्रमितसँगै देशमा हालसम्म संक्रमित हुनेको संख्या ८ लाख ६१ हजार ९५२ पुगेको छ ।

त्यसैगरी पछिल्लो २४ घण्टामा १६६० जना निको भएका छन् । आज निको भएका १६६० जनासँगै नेपालमा हालसम्म कोरोना संक्रमणबाट मुक्त हुनेको संख्या ७ लाख ३६ हजार ६६६ पुगेको छ ।

त्यस्तै आज देशैभरी २१ जना कोरोना संक्रमितको मृत्यु भएको छ । आज थपिएका २१ जनासँगै नेपालमा हालसम्म कोरोना संक्रमणबाट ज्यान गुमाउनेको संख्या १० हजार ९२४ पुगेको छ ।

नेपालमा हाल २७ हजार ९५८ जना सक्रिय संक्रमित रहेका छन् । ती मध्ये २६ हजार २९६ जना होमआइसोलेशन र १६६२ जना संस्थागत आइसोलेशन सेन्टरमा रहेका छन् ।

हाल देशका विभिन्न अस्पतालका आइसीयुमा ४५८ र भेन्टिलेटरमा १४५ जनाको उपचार भइरहेको स्वास्थ्यमन्त्रालयद्धारा जारी विवरणमा उल्लेख छ ।

नेपालमा हालसम्म पिसीआर र ऐन्टिजेन गरी ४५ लाख १३ हजार १८४ नमुना परीक्षण गरिएको छ । साथै नेपालमा हालसम्म ५७ लाख ४० हजार ३४५ जनाले पहिलो मात्रा र ५१ लाख २० हजार ८७७ जनाले पूर्णमात्राको खोप लगाइसकेका छन् । नेपालमा पछिल्लो २४ घण्टामा २९ हजार १८९ जनाले कोरोनाविरुद्धको खोप लगाएका छन् ।