१.
माइती टाढा हुनाले तिज आएन मेरो
आँशुको भलमा दिनरात बगेँ कठै मेरो मन
मनमा खुशी उमङ्ग पनि छाएन मेरो ।
२.
मैनाचरी डाली बसी कराएकी किन
तीज आयो गाउँमा तर आएन मेरो मनमा
बाढी आयो भत्क्यो बाटो बोलाएकी किन ।
३.
ए! आमा मलाई नकुरे बाटो आउने तिजमा
सबैका मनमा आएछ पर्व मलाई आएन बरै
गहना, लुगा गतिला छैनन् लाउने तिजमा ।
४.
दुःख सबै पखालेर राख्छु भनी सोच्छु
अहिले पनि तिजमा माइत आउन पाइन भने
हृदयको चोट छोपी नम्र बनी सोच्छु ।
५.
झलमल राता निला बने अनि हिँडे
यसपालीको तिजको दर कोरोनाले खायो
नारी पुरुष सबै साना ठूला पनि हिँडे ।
वि.सं.२०७८ भदौ २६ शनिवार ०७:५१ मा प्रकाशित