३० भदौँ, काठमाडौँ । श्रीलंका र दक्षिण अफ्रिका बिचको तेस्रो तथा अन्तिम टि-२० मा दक्षिण अफ्रिकाले १० विकेटले जित निकालेको छ ।
टस जितेर पहिले ब्याटिङ्ग गरेको श्रीलंकाले २० ओभरमा ८ विकेट गुमाएर १२० रन बनाएको थियो । श्रीलंकका लागि ब्याटिङ्गमा कुशल परेराले सर्वाधिक ३९ रन बनाएका थिए भने दक्षिण अफ्रिकाका लागि बलिङ्गमा कागिसो रबाडा र बजोर्न फोर्टुइनले सर्वाधिक २/२ विकेट लिएका थिए ।
श्रीलंकाले दिएको १२१ रनको सामान्य लक्ष्य दक्षिण अफ्रिकाले १४.४ ओभरमा पुरा गर्यो । दक्षिण अफ्रिकाका लागि रीजा हेन्ड्रिक्सले ५६ र क्विटन डि ककले ५९ रन बनाएका थिए ।
जितसँगै दक्षिण अफ्रिकाले ३ खेलको टि-२० श्रृखला ३-० ले क्लिन स्विप गरेको छ ।
वि.सं.२०७८ भदौ ३० बुधवार १२:४१ मा प्रकाशित