१ असोज, पोखरा । गण्डकी प्रदेशमा आज १३९ जनामा कोरोना संक्रमण पुष्टि भएको छ ।
प्रदेशको स्वास्थ्य निर्देशनालयका अनुसार शुक्रवार प्रदेशको म्याग्दीमा २, गोरखामा ५, लमजुङमा २, तनहुँमा २४, कास्कीमा ७८, बाग्लुङमा १, स्याङजामा २३ र नवलपरासीपूर्वमा ४ जना गरी थप १३९ जना नयाँ संक्रमित थपिएका हुन् । ती मध्ये ६७ जना महिला र ७२ जना पुरुष रहेका छन् । आज पर्वत, मनाङ र मुस्ताङ गरेर तीन जिल्लामा कोरोना संक्रमितको संख्या शून्य रहेको छ ।
शुक्रवार थपिएका १३९ जनासँगै प्रदेशमा हालसम्म संक्रमित हुनेको संख्या ८४ हजार २१४ पुगेको छ । ती मध्ये ८१ हजार २८४ जना निको भइसकेका छन् । प्रदेशमा आज १४१ जना संक्रमणबाट मुक्त भएका छन् ।
प्रदेशमा आज कास्कीका १ जनाको मृत्यु भएको छ । आज थपिएका १ जनासँगै प्रदेशमा हालसम्म संक्रमणबाट ज्यान गुमाउनेको संख्या १३४० पुगेको छ ।
प्रदेशमा हाल १५९० सक्रिय संक्रमित रहेकोमा १४१४ जना होम आइसोलेशनमा रहेका छन् । प्रदेशमा पछिल्लो २४ घण्टामा ८६६ नमुना परीक्षण गरिएको छ ।
वि.सं.२०७८ असोज १ शुक्रवार १७:२३ मा प्रकाशित
