४ असोज, काठमाडौं । स्वदेशमा रोजगारी सिर्जना हुन सकेको छैन । सरकारले युवालाई विदेश पलायन हुनबाट रोक्ने नीति तथा कार्यक्रम ल्याउने घोषणा गरेको छ । तर अहिलेसम्म ठोस कार्यक्रम ल्याउन सकेको छैन ।
कोरोना कहरपछि बैदेशिक रोजगारीमा देखिएको असन्तुलनले बैदेशिक रोजगारीमा जाने नेपालीको पनि गिरावट आएको छ । कोभिड अघि दैनिक एक हजार पाँचसय श्रमिक रोजगारीका लागि जाने गरेकोमा अहिले त्यो घटेको हो ।
नेपाल राष्ट्र बैंकको असारसम्मको तथ्याक अनुसार २०७७/०७८ मा अन्तिम स्वीकृति (संस्थागत तथा व्यक्तिग, नयाँ र बैंद्यानिकीकरण) ६२.८ प्रतिशतले घटेको थियो । बैदेशिक रोजगारीका लागि पुनः श्रम स्वीकृति लिने श्रमिकको संख्या ४६.८ प्रतिशतले घटेको छ । अघिल्लो वर्ष यस्तो संख्या ३४.७ प्रतिशतले घटेको हो ।
कुन देशबाट कति नेपाली फर्किए त ?
कोरोना कहरपछि झण्डै ६ लाख युवा नपाल फर्किएका छन् । कुवेत २९,५८२, साउदी अरब ५२,७८६, टर्कीबाट २०,८८९, बहराइनबाट १७०७, कतारबाट १,४८, ७९०, युएईबाट १ लाख ६० हजार ४७०, ओमनबाट ७,३५१, भारतबाट ४६,४६५, बंगलादेशबाट २,६८९, मालदिभ्सबाट १,०१८, सिंगापुरबाट ७,१९६, चीनबाट ३,७९६, दक्षिण कोरियाबाट ३,९४५, जापानबाट १४,०५३, हङकङबाट ३,३९७, मलेसियाबाट ६१ हजार ९६१ र अष्ट्रेलियाबाट १,२४४ जना नेपाल फर्किएको समाचार सोमबारको अन्नपूर्ण दैनिकमा छ ।
वि.सं.२०७८ असोज ४ सोमवार ०८:२५ मा प्रकाशित