Logo
११ मंसिर २०७८, शनिबार
     Sat Nov 27 2021
E-paper
  English Edition
   Unicode
Logo

लघुकथा: टिका



‘पानी खाने ?’

विहानै एक सनमले फिरि लगायो । जाडोको बेला विहानै तातो पानी खानेकुरा गरेपछि जिउ त्यसै तातेर आयो । बजारमा गएर अलिकति नुन किनेपछि सनमले भन्यो ।

‘ए साँच्ची त आज अष्टमी !’

‘अष्टमी त यलम्बरको दिन !’

‘नापिएको कुरा नगर न ! कुल कुलायन रिसाउँछन् र !’

सहरको छेउमा यलम्बर गृहयुध्दको पाठ भैंसीहरूलाई पढाउँदै थिए । एकजना तान्त्रिकले आएर यलम्बरलाई खुसुक्क भन्यो ।

‘हजुरको दशा बिग्रेको छ, होस गरिसेला !’

यलम्बरले चारैतिर आँखा डुलाए । भिडबाट फुत्केको एक त्यो गोठालोलाई लुरूलुरू बाटोमा हिंडिरहेको देखेर सोधे ।
‘दशैं कस्तो छ ?’

‘हजुर ! ताजा छ !’

यलम्बर र भैंसी पालकहरूको युध्द पचलीको छेउ चलिरहेको थियो । पालकहरूले भैंसीको जुलुस निकाले । भैंसीहरू सिंग नभएका मुडुला थिए । उनीहरूले यलम्बरलाई विन्ति गरे ।

‘प्रभु ! हाम्रो लाज बचाइस्यो !’

‘लाज बचाउने भए खुट्टा ढोग्नु नि त !’

‘खुट्टाचाहिँ ढोग्दिन ! बरू टीका लगाइदिस्यो !’

त्यसपछि वरिपरि राखेर कसैलाई रातो, कसैलाई सेतो र कसै लाई पहेंलो अछेताको टिका लगाइदिए । सबैमा आश्चर्य भाव थियो । एकै समूहमा रहेका मानिसहरूलाई बेग्लाबेग्लै रङको टीका दिएपछि यलम्बरले भने ।

‘सांस्कृतिक क्रान्ति !’

उनीहरूमध्ये कसैले आफूलाई पितृवादी सम्झे, कसैले किराँती सम्झे त कसैले कट्टर हिन्दुवादी सम्झे । परतिर छेउको अब्बल एक कम्युनिष्ट आएर खुब क्रान्तिकारी भाषामा बोल्यो !

‘मेरो पहिचान के ?’

‘अन्तराष्ट्रियता वादी !’

सबै गलल्ल हाँसे । उनीहरूको अनुहार रातो भयो । उनीहरू जीवनको अन्त्यमा छटपटिएर भन्न थाले ।
‘पवित्र माटो!’

यलम्बरको तरवारमा लत्पतिएको रगतमा कुनै रङ थिएन तर पनि बाग्मतीमा सांस्कृतिक पानी बगिरहेको थियो । माटोको झोलमा पनि बगिरहेको थियो ।

‘शुध्द जल !’

कम्युनिष्टले हत्पत घाटको खरानी हातमा लियो । उसले त्यो खरानीलाई बाग्मतीको जलमा मुछेर टीका लगाउँदै भन्यो ।

‘बिगुत लगाए भूतप्रेत भाग्छ !’

 


यो खबर पढेर तपाईलाई कस्तो महसुस भयो ?

भोर्ले । नेपाली काँग्रेस पर्वतको सभापतिमा यूवराज जोशी विजयी भएका छन । जोशीले प्रतिद्धन्दि

काठमाडौं । नेपाली सेनाको भर्ना छनौट निर्देशनालय कार्यरथी विभागले प्रा.अम, मेडिकल पद र अमल्दार

काठमाडौं । नेकपा माओवादी केन्द्रका नेता लिलामणि पोखरेलले एक्लै हिँडेर कहीँ नपुग्ने बताएका छन्

अफ्रिका । अफ्रिकी देश घानाको आकराबाट इमिरेट्स एरलाईन्सको जहाज हुँदै दुबई आउन लागेका रुकुमका