Logo
२२ मंसिर २०७८, बुधबार
     Wed Dec 8 2021
E-paper
  English Edition
   Unicode
Logo

सामूहिक लगानीमा पशुपालन तथा कृषि फार्म सञ्चालन



गलकोट । जैमिनी नगरपालिका–५ बिनामारेमा सामूहिकरूपमा पशुपालन थालिएको छ ।

सतहत्तर जनाको समूहले प्रतिव्यक्ति रु ५० हजारका दरले रकम सङ्कलन गरी रु ६१ लाख लगानीमा श्रीकृष्ण कालीगण्डकी पशुपक्षी तथा कृषि फार्म सञ्चालन गरेका हुन् ।

कोरोना त्रासकै बीचमा गाउँमा विदेशबाट फर्किएका, अवकाश लिएर बस्नुभएका, बेरोजगार युवा मिलेर सामूहिकरूपमा फार्म खोलेर दूध बिक्री सुरु गरेको श्रीकृष्ण कालीगण्डकी पशुपक्षी तथा कृषि फार्म सञ्चालक समितिका अध्यक्ष दिपेश पौडेलले बताए ।

जैमिनी नगरपालिकाबाट रु १८ लाख अनुदान र ७७ जनाबाट रु ५० हजारका दरले रकम सङ्कलन गरी ५४ रोपनी जग्गामा फार्म सञ्चालन गरेको उनले बताए ।

गाउँमा भएका युवा विदेश पलायन हुने र बजारबाट दूध र दुग्धजन्य वस्तु किनेर गाउँमा ल्याउनुपर्ने अवस्थालाई ध्यानमा राखेर गाउँमै दूध उत्पादन गरी बिक्री गर्ने योजनाका साथ सामूहिक फार्म सञ्चलान गरिएको उनको भनाइ छ ।

“आफ्नै देशमा गरे के हुँदैन रु हामी सबै मिल्यौँ या चाह्यौँ भने सम्भव हुनसक्छ, यसका लागि दृढ इच्छाशक्ति र मेहेनत चाहिन्छ”, पौडेलले भने, “यस्तो प्रयासले गाउँमै रोजगारीको समेत सिर्जना हुनेछ, फार्मलाई विस्तारै बढाउँदै लैजाने उद्देश्य रहेको छ ।”

“असारदेखि पूर्णरूपमा सञ्चालनमा आएको फार्ममा अहिले १२ वटा भैँसी र चारवटा गाई रहेको छ”, उनले भने, “अहिले जैमिनीका अधिकांश घरमा हाम्रो फार्मबाट दूध जान्छ, दैनिक १२० लिटर दूध बिक्री गरेका छौँ, हामीले आगामी दिनमा जैमिनीवासीलाई दूध पुर्याएर बागलुङ बजार र कुश्मा बजारमा समेत दूध बिक्री गर्ने योजना बनाएका छौँ ।”

अध्यक्ष पौडेलले दूधबाट बनाउन मिल्ने कुराउनी, दही, घिउ, पनिर पनि अहिले उत्पादन गरेका छौँ भन्दै बाँकी दिनमा थप दुग्धजन्य पदार्थबाट बनाउने परिकार तयार गर्ने र बिक्री गर्ने योजनामा रहेको बताए । “कोरोना सङ्क्रमण जोखिमका कारण हामीले चाहे जति गाईभैँसी फार्ममा पाल्न नसकेको अवस्था रहेको छ”, उनले भने ।

उन्नत जातका भैँसी र गाई भारतबाट ल्याउने भनिएता पनि कोरोनाले गर्दा महङ्गो पैसा हालेर पोखराबाट गाईभैँसी खरिद गरिएको हो । अहिले गाईभन्दा भैँसीको दूधको माग बढी छ ।

फार्ममा पाँच जनालाई रोजगार दिएको श्रीकृष्ण कालीगण्डकी पशुपक्षी तथा कृषि फार्म सञ्चालक समितिका सदस्य कृष्णबहादुर हमालले जानकारी दिए ।

भर्खर मात्र फार्म खुलाएका कारणले फार्ममा अझै धेरै काम बाँकी रहेता पनि आधुनिक गोठ बनाएर गाई, भैँसी राखेको हमालले बताए । “बाहिरबाट ल्याएका गाई, भैँसी यहाँ बिरामी हुने र मर्ने गरेका छन्, हामीसँग अहिले सबै गाई, भैँसी असोज कात्तिकमा दूध दिनेछन्, यो सिजनमा गाउँमा सबैको घरघरमा दूध पाउन सकिन्छ”, उनले भने, “पुस, माघको समयमा दूधको खडेरी लाग्ने भएकाले अब हामीले सातवटा भैँसी पुस, माघमा दूध दिने गरी पाल्ने योजनामा छौँ, हामीसँग अहिले रु एक लाख ५० हजारसम्म पर्ने भैँसी गोठमा छन् ।”

फार्ममा पालिएका गाई, भैँसीका लागि आफैँ घाँस उत्पादन गरिएको छ । दस वर्षको योजना बनाएर फार्म सञ्चालनमा ल्याएको उनको भनाइ छ । उनका अनुसार अझै धेरै काम बाँकी नै छ ।

“सुरुआती समयमै हाम्रो फार्मको दूधको माग धेरै भएको हामीले महसुस गरेका छौँ”, उनले भने, “अहिले हामीले फार्ममै आएर दूध किन्नेलाई एक लिटरको ८० र डेरीलाई बेच्दा एक लिटरको रु ९० मा बिक्री गर्ने गरेका छौँ र सबै खर्च कटाएर प्रति महिना रु एक लाख ५० हजारसम्म आम्दानी गरेका छौँ ।”

आगामी दिनमा फार्मलाई थप व्यवस्थापन गरेर अगाडि बढ्ने योजना रहेको हमालले बताए । फार्म स्थापित गरेर गाउँबाट विदश पलायन भएका युवालाई गाउँमै रोजगार र अवसर सिर्जना गर्ने मुख्य लक्ष्य भएको उनको भनाइ छ ।
रासस


यो खबर पढेर तपाईलाई कस्तो महसुस भयो ?

भक्तपुर । मध्यपुरथिमि नगरपालिका–३ गठ्ठाघर र सूर्यविनायक नगरपालिका–३ बालकोटको सिमाना हनुमन्ते खोला किनारामा एक

काठमाडौं । नेकपा एमालेको दसौं राष्ट्रिय महाधिबेशनबाट पार्टी केन्द्रीय सदस्यमा १३७ नयाँ अनुहार थपिएका

काठमाडौं । स्वावलम्बन लघुवित्त वित्तीय संस्था लिमिटेडका कर्मचारीहरु गत साउन २५ देखि निरन्तर आन्दोलनमा

काठमाडौं । नेपाली बजारमा सुनको भाउमा तिब्र उतारचढाव आइरहेको छ । सोमबारको बजारमा प्रतितोला