७ कार्तिक, काठमाडौँ । नेपाल स्टक एक्सचेञ्ज (नेप्से) ले माछापुच्छ्रे बैंक र सानिमा बैंकको शेयरमूल्य समायोजन गरेको छ । साधारण सभा तथा लाभांश वितरण प्रयोजनार्थ यी दुवै बैंकहरुले बुकक्लोज गरेसँगै नेप्सेले शेयरमूल्य समायोजन गरी नयाँ मूल्य निर्धारण गरेको हो ।
आज नेप्सेमा माछापुच्छ्रे बैंकको १३.३० प्रतिशत र सानिमा बैंकको १७ प्रतिशत बोनस शेयर समायोजन भएको हो । समायोजनपश्चात माछापुच्छ्रे बैंकको शेयरमूल्य ३२२.०७ रुपैयाँ कायम भएको छ भने सानिमा बैंकको शेयरमूल्य ४१७.७८ रुपैयाँ कायम भएको छ ।
बैंकको अघिल्लो कारोबार दिनको अन्तिम मूल्यका आधारमा शेयरमूल्य समायोजन भएको हो । गत बिहीबार सानिमा बैंकको शेयर प्रतिकित्ता ४८८.८० रुपैयाँ र माछापुच्छ्रे बैंकको ३६४.९० रुपैयाँमा अन्तिम कारोबार भएको थियो।
वि.सं.२०७८ कात्तिक ७ आइतवार १०:४६ मा प्रकाशित