काठमाडौं । राप्रपाका अध्यक्ष कमल थापाले चुनाव हार्दैमा सिद्धान्त नमर्ने बताएका छन् । राप्रपा महाधिवेशनको उद्घाटन सत्रलाई सम्बोधन गर्दे उनले चुनावी नतिजासँग जोडेको पार्टीको सिद्धान्त मूल्यांकन गर्न नहुने बताए ।
‘राप्रपाको सफलता र असफलताको कथा एउटा चुनावबाट देखिँदैन,’ उनले भने, ‘गत निर्वाचनको पूर्वसन्ध्यामा पार्टी विभाजित भयो । काँग्रेससँगको सहकार्यमा इमानदारिता भएन ।’
कुनै बेला काँग्रेसले दुई तिहाई मत हासिल गरेको इतिहास रहे पनि गत निर्वाचनमा उसले २३ स्थानमा मात्र विजय हासिल गरेको थापाको भनाइ थियो । कुनै बेला झण्डै दुई तिहाई जितेको माओवादी अहिले खुम्चिएको उदाहरण पनि उनले सुनाए ।
निकै महेनतले पार्टी एकता भएको भन्दै यसलाई जोगाउन पनि सबै मिल्नुको विकल्प नरहेको बताए ।
वि.सं.२०७८ मंसिर १५ बुधवार १६:०७ मा प्रकाशित