काठमाडौं । स्वास्थ्य तथा जनसंख्या मन्त्रालयले अत्यावश्यक काम बाहेक विदेश भ्रमण नगर्न अपिल गरेको छ ।
नेपालमा कोभिड–१९ ओमिक्रोन भेरियन्ट नेपालमा अहिलेसम्म फेला नपरिसकेकोले आवस्यक निगरानी तथा परीक्षणको दायरा फराकिलो बनाइएको समेत मन्त्रालयले बताएको छ ।
‘हालसम्म उक्त भेरियन्ट नेपालमा फेला परिनसकेको र आवश्यक निगरानी तथा परीक्षणकाे दायरलाई फराकिलो पारिएको अवस्था छ,’ मन्त्रालयद्धारा जारी विज्ञप्तिमा भनिएको छ ‘नयाँ देखिएको यो भेरियन्टलाई समयमै साबधानी अपनाई नेपालमा प्रवेश हुन नदिन र जनजीवनलाई सामान्य राख्न नेपाल सरकार, स्वास्थ्य तथा जनसंख्या मन्त्रालय तथा सबै निकाय तिब्र रुपमा एक भएर काम गरिरहेको अवस्था छ ।’
वि.सं.२०७८ मंसिर १५ बुधवार १५:५९ मा प्रकाशित