हामी सबैकाे संसारन्यूज

काठमाडौ । पछिल्ला केही दिनयता कोरोना संक्रमित हुनेको संख्या ह्वात्तै बढेपछि गृहमन्त्रालयले त्यसलाई मध्येनजर गर्दै सिंहदरवार प्रवेशमा कडाई गरेको छ ।

मन्त्रालयले कोरोना भाइरसको नयाँ भेरियन्ट ओमिक्रोनको जोखिमलाई मध्येनजर गर्दै सबै मन्त्रालय, निकाय, सचिवालय, आयोगले जारी गरेको स्थायी तथा अस्थायी पास खारेज गरिएको जनाएको छ ।

बुधवार एक सूचना जारी गर्दै सरसफाईसँग सम्बन्धीत व्यक्तिहरुको हकमा यसपूर्व जारी भएका पास, अस्थायी परिचयपत्रबाट नै प्रवेश दिने जनाएको छ भने पत्रकारको हकमा भने सूचना विभागबाट जारी भएको परिचयपत्रको आधारमा प्रवेश गर्न दिने पनि उक्त सूचनामा जनाइएको छ ।