काठमाडौं । बेलायती प्रधानमन्त्री बेरिस जोनसनले आफ्नो सरकारी आवास ‘१०, डाउनिंग स्ट्रीट’मा भएको एक रक्सी पार्टीलाई लिएर माफी मागेका छन् । यो पार्टी मे २०२० मा कोरोना महामारीकाबीच भएको थियो, जतिबेला महामारीलाई लिएर लगाइएको प्रतिबन्धहरू जारी थियो ।
बेलायतमा विगत दुई दिन यता यो मुद्दा जोडतोड साथ उठिरहेको थियो । प्रधानमन्त्रीको आवास कार्यालयले यसबारेमा जाँच भइरहेको बताइरहेको थियो ।
यद्पि ‘प्रधानमन्त्रीसँग प्रश्न’ कार्यक्रमको सुरुवात हुनासाथ जोनसनले रक्सी पार्टीलाई लिएर माफी माग्न चाहेको बताएका हुन् । उनले महामारीमा करोडौँ मानिसले समस्या भोगिरहेको आफूलाई थाहा भएको बताए ।
उनले नियम बनाउनेले नै निमयको उचित रूपमा पालन नगरेको स्वीकार गरे । उनले घटनाको जिम्मेवारी आफूले लिने बताए । उनले घटनाबारे भइरहेको जाँचको निष्कर्षबारे यसै भन्न नसक्ने तर आफूले घटनाको जिम्मेवारी लिने बताएका छन् ।
विपक्षीहरूले भने यस्तो घटनामा माफी मागेर नपुग्ने भन्दै उनलाई राजीनामा दिन दबाब दिइरहेका छन् ।
वि.सं.२०७८ पुस २९ बिहीवार १३:५१ मा प्रकाशित