काठमाडौं । युवा पुस्ताकि चर्चित गायिका रचना रिमालको सुमधुर स्वर रहेको ‘भतभती पोल्छ’ गीतको भिडियो सार्वजनिक भएको छ । समलिङ्गी प्रेम सम्बन्ध, बिहे अनि समाजले हेर्ने दृष्टिकोण लाई जीवन्त रूपमा प्रस्तुत गरिएको सामाजिक सन्देश बोकेको म्युजिक भिडियो ‘भतभती पोल्छ’ सार्वजनिक भएको छ ।
गीतमा अमेरिका बस्दै आएका गितकार नारायण रसाइलीको शब्द रहेको छ भने दिप घतानीले संगीतवद्ध गरेको छन् । गीतलाई संजिव बराइलीले संगीत संयोजन गरेका हुन् । भिडियोमा पल शाह र प्रियाना आचार्यको जिवन्त अभिनय रहेको छ । बुद्ध थापाले छायाँकन गरेको भिडियोलाई विकाश धमलाले सम्पादन गरेका हुन् ।
तारा लोहनी रसाइली निर्मात्री रहेकी भिडियोलाई निकेश खड्काको निर्देशनमा तयार पारिएको हो भने भिडियो गीतकार रसाइलीको च्यानल ‘नारायण रसाइली अफिसिएल’ मार्फत सार्वजनिक गरिएको हो । कलाकारले मनोरञ्जन दिने मात्रै होइन परेको बेला गीतका माध्यम बाट सामाजिक दायित्व पनि पुरा गरिरहेका हुन्छन् भन्ने उदेश्यका यो म्युजिक भिडियो प्रस्तुत गरिएको गीतकार रसाइलीले बताएका छन् ।
भिडियो लिंकः https://youtu.be/UOYg0UO2FjA
वि.सं.२०७८ पुस ३० शुक्रवार १३:०४ मा प्रकाशित
