काठमाडौं । नेपाल उद्योग वाणिज्य महासंघले सरकारले बतास अर्गनाइजेशनमाथि एकतर्फीरुपमा प्रहार भइरहेको भन्दै गम्भीर ध्यानाकर्षण भएको बताएको छ ।
महासंघले बिहीवार प्रेस विज्ञप्ति जारी गर्दै मुलुकको अर्थतन्त्रमा ७० प्रतिशत भन्दा बढी हिस्सा राख्ने निजी क्षेत्रमाथि एकतर्फी रुपमा भइरहेको चरित्र हत्या र मानमर्दनप्रति महासंघले चिन्ता व्यक्त गरेको जनाएको छ ।
‘बतास अर्गनाइजेशनले सरकारले आव्हान गरेको टेन्डरमा कानूनी रुपमा सहभागी भई आवस्यक भाडा बुझाउने शर्तमा क्याफ्टेरिया संचनलनको अनुमति पाएको हो,’ उक्त विज्ञप्तिमा भनिएको छ ‘सरकारी निकायले अनुमति दिएकोमा स्वभाविक रुपमा निजी क्षेत्रले व्यवसाय गर्न खोज्न कुनै गैरकानुनी र आपराधिक गतिबिधि नभएको तर्फ महासंघ सबैको ध्यानाकर्षण गराउन चाहान्छौं ।’
महासंघले प्रक्रिया र कानून विपरीत भएका गतिबिधिमाथि राज्यले अंकुश लगाउने र कारबाही गर्ने कुरालाई महासंघले कहिल्यै पनि अन्यथा नलिने तर त्यसको सत्यतथ्य खोजी हुनुपर्ने माग समेत गरेको छ ।
‘सरकारी स्रोतमा व्यवसाय गर्न अनुमति दिइसकेको सन्दर्भमा एकातर्फीरुपमा व्यवसायीलाई मात्र दोष दिएर निजी क्षेत्रको मनोबल गिराउन भइरहेका गतिबिधिले मुलुकमा लगानी नहुने र यसले रोजगारीमा समेत गम्भीर असर पर्न जाने हाम्रो चिन्ता छ ।’ महासंघले भनेको छ ।
दरबार संग्रहालयभित्र क्याफे सन्चालनको ठेक्का सेटिङमा नभएको बतास समूहको दावी (बिज्ञप्तिसहित)
वि.सं.२०७८ पुस ३० शुक्रवार १६:२० मा प्रकाशित