Logo
१० जेष्ठ २०७९, मंगलवार
     Tue May 24 2022
E-paper
  English Edition
   Unicode
Logo

कविताः विस्मृत माया



किशोर वयका जोडी आँखा
पौडिएपछि एक अर्कामा
कुनैबेला मादकता भै बहने गर्छ
कहिले सन्तुष्टिको राहत भै थपिने गर्छ
विगतमा वयस्कता रोज्ने
एउटा तरङ्ग सकिने गर्छ
अर्को आनन्द थप उमङ्ग गाँसियो
मुटुको आसपास पग्लियो
अनुराग र आशक्ति
जसलाई नसम्झी नसक्तो हो
बिचरा अतीत
यौवन खट्किंदो हो अनुवादमा
कुनै काल्पनिक उन्मादमा
आँखाका नानीभित्र घुस्रिएर
जरा गाडेको हुँदो हो मोहकता
गाढाभित्रको अझ निकटता साँचेकोहुँदो हो
सम्झनाको रसबरी हो कि
नबिर्सिनुको रखबारी हो ?

मिठास उनिएको शब्दसुधा हो वा
जीवनको विस्मित क्षुधा हो यो ?
कहिले भावभङ्गिमा भै पस्ने गर्छ
कहिले अन्तर्मनको सम्वाद भएर बस्ने गर्छ
कहिले याद भएर खस्ने गर्छ
सायद शरीरैपिच्छेका अङ्ग अङ्गमा
बिरानो भैसकेको साया पौडिएर डस्ने गर्छ
डुलिरहन्छ अघिपछि पैडिरहन्छ दायाँबायाँ
घुमिरहन्छ तड्पाउदै
उही नबिर्सिने पलको चित्र हो या छाया ?

अन्जानको अतृप्त प्रेम बनेको विस्मृत माया !

पदम दाहाल ,मादी न.पा.– ६, सङ्खुवासभा
हालः लोकन्थली, भक्तपुर
९८४२०९९८३१

 

 


यो खबर पढेर तपाईलाई कस्तो महसुस भयो ?

स्थानीय चुनाव सकिनै लाग्दा जबरजस्त रुपमा एउटा घमण्डको अन्त भयो । नेकपा एमालेले योभन्दा

काठमाडौं । स्थानीय तहको निर्वाचनको परिणाम आउनेक्रम जारी छ । हालसम्म ७ सय २९

काठमाडौं । मगर संघ युकेद्धारा आयोजना हुने ओपन कन्सर्टको तयारी पूरा भएको छ ।

काठमाडौं । स्थानीय तहको निर्वाचनअन्तर्गत अन्तिम नतिजा आएका ७ सय २९ पालिकामध्ये स्वतन्त्र उम्मेदवारले

काठमाडौं । अन्तिम नतिजा आएका ७ सय ७ पालिकामध्ये नेकपा (माओवादी केन्द्र)ले १ सय