५ माघ, काठमाडौँ । महालक्ष्मी विकास बैंकले सुन्दरी देवी माध्यमिक विद्यालयका विद्यार्थीलाई ज्याकेट वितरण गरेको छ । बैंकको पालुङ शाखाले थाहा ̵ ७ डाँडाबासस्थित सो विद्यालयको ६३ जना विद्यार्थीलाई ज्याकेट वितरण गरेको हो ।
विद्यालयको प्राङ्गणमा आयोजित एक विशेष कार्यक्रमकाबिच पालुङ शाखाका शाखा प्रबन्धक संगिता बज्राचार्यले बिपन्न परिवारका विद्यार्थीहरुलाई न्यानो कपडा वितरण गरेकी हुन् ।
जाडो बढेसँगै स्कुल आउन समस्या भोगिरहेका विद्यार्थीहरुलाई ज्याकेट वितरण गर्दा दैनिक पठनपाठनमा र विद्यालय सञ्चालनमा सहयोग पुर्याएको बताउँदै विद्यालय प्रधानाध्यापक प्रतापसिंह गोलेले बैंकले गरेको सहयोग प्रति कृतज्ञता प्रकट गरे । साथै यस किसमको सहयोगले बालबालिकाहरु उत्साहित भएर विद्यालय शिक्षा अझै प्रभावकारी हुने बताए ।
वि.सं.२०७८ माघ ५ बुधवार १२:४१ मा प्रकाशित