काठमाडौं । भारतमा बिहीवार अहिलेसम्मकै बढी कोरोना संक्रमित भेटिएका छन् ।
बिहीबार भारतमा ३ लाख ४७ हजार २५४ जना कोरोना संक्रमित थपिएका छन् । सोहि अवधिमा ७०१ जनाले ज्यान गुमाएका छन् । साथै सोहि अवधिमा निको हुनेको संख्या २ लाख ५१ हजार रहेको छ ।
भारतमा बुधवार ३ लाख १७ हजार संक्रमित भेटिएकोमा बिहीबारको यो संख्या झण्डै ३० हजारले बढी हो । त्यस्तै मृत्यु हुनेको संख्या पनि बढेको छ । भारतमा बुधवार ४९१ जनाको मृत्यु भएकोमा बिहीवार बढेर यो संख्या ७०१ पुगेको हो । कोरोनाको तेस्रो लहर सुरु भएयता एकैदिन संक्रमित हुने र मृत्यु हुनेको संख्या सबैभन्दा बढी हो ।
भारतमा हाल २० लाख १२ हजार सक्रिय संक्रमित रहेका छन् ।
त्यसैगरी भारतमा १० राज्य सबैभन्दा बढी संक्रमित हुनेमा रहेका छन् । स्वास्थ्य सचिव राजेश भूषणका अनुसार भारतको युपी, महाराष्ट्र, कर्णाटक, केरला, तमिलनाडु, बंगाल, गुजरात, उडिसा, दिल्ली र राजस्थानमा सबैभन्दा बढी संक्रमित भएका छन् ।
भारतमा कोरोनाबाट ४८ लाख बढीले ज्यान गुमाए
भारतमा कोरोना संक्रमणका कारण हालसम्म ४८ लाख ८ हजार ३९६ जनाले ज्यान गुमाएका छन् । सोहि अवधिमा ३ करोड ८५ लाख ६६ हजार ४७ जना संक्रमित भएका छन् भने ३ करोड ६० लाख ४८ हजार ८६८ जना निको भइसकेका छन् ।
वि.सं.२०७८ माघ ७ शुक्रवार १०:४६ मा प्रकाशित