२८ फागुन,रुकुम । द्वन्द्वपीडित व्यक्तिलाई व्यावसायिक कृषि पेसामा संलग्न गराउनका लागि जिल्ला कृषि विकास कार्यालयले २२ व्यक्तिलाई अनुदान प्रदान गर्ने भएको छ ।
द्वन्द्वपीडितलाई प्रतिव्यक्ति रु ४० हजारका दरले रु आठ लाख ८० हजार अनुदान प्रदान गरिने कार्यालयका वरिष्ठ कृषि विकास अधिकृत सहदेवप्रसाद हुमागाईंले जानकारी दिनुभयो । द्वन्द्वका समयमा सहिद परिवार, घाइते, अपाङ्गता भएका र विस्थापितलाई कृषि पेसामा सहभागी गराएर आत्मनिर्भर गराउने उद्देश्यले द्वन्द्वपीडित कृषि कार्यक्रम सञ्चालन गर्न लागिएको उहाँले बताउनुभयो ।
