हामी सबैकाे संसारन्यूज

काठमाडौं । नेकपा एमालेका महासचिव शंकर पोखरेलले एमालेको लाकप्रियता रोक्नका लागि पाँचदलीय गठबन्धन बनेको बताएका छन् ।

राष्ट्रिय स्वाधिनता र स्वाभिमानको रक्षा, विकास र समृद्धिको आशालाग्दो यात्रामा अघि वढ्दा एमालेको वढ्दो शक्ति र लोकप्रियता रोक्न बनेको आरोप लगाएका छन् ।

महासचिव पोखरेलले अब हुने तीनतहको चुनावसंगै पुरानो जनादेश खण्डित हुने र त्यसको ठाउ नयाँ जनादेशले लिने समेत सामाजिक संजालमा लेखेका छन् ।

‘चुनावमा जनता जनार्दन नै न्यायाधिश हुन्छन् । एजेण्डा विहिन गठवन्धनले होइन, देश र जनताका पक्षको एजेण्डावाट नै चुनाव जित्ने हो । अव सिंगो पार्टी पंक्ति विगतमा हामीले गरेका राम्रा काम र गर्न चाहेको कामको फेरिस्त वोकेर जनताका बीचमा जाऔं । जनताको फैसला सत्य र न्यायको पक्षमा हुनेछ ।’ उनले लेखेका छन् ।