Sansar News
काठमाडौं । प्रधानमन्त्री शेरबहादुर देउवा, नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी)का अध्यक्ष माधवकुमार नेपालबीच भेटवार्ता भएको छ । प्रधानमन्त्रीलाई भेट्न प्रचण्ड र नेपाल बुधबार दिउँसो प्रधानमन्त्री निवास बालुवाटार पुगेका थिए ।
प्रधानमन्त्री देउवा, अध्यक्ष प्रचण्ड र नेपालबीच झण्डै करिब एक घण्टा कुराकानी भएको प्रधानमन्त्रीको सचिवालय स्रोतले जनाएको छ । भेटमा गृहमन्त्री बालकृष्ण खाँड र सञ्चार तथा सूचना प्रविधिमन्त्री ज्ञानेन्द्रबहादुर कार्की पनि सहभागी रहेको बताइएको छ ।
भेटमा निर्वाचन आयोगले जेठ ४ गतेका लागि दिएको निर्वाचनको समय, एमसीसी लगायतका विषयमा छलफल भएको स्रोतले बताएको छ । छलफलपछि अध्यक्ष नेपालले गठबन्धन तोड्न खोज्नेहरूको चाहना पूरा नहुने बताउँदै गठबन्धनलाई बलियो बनाएर जाने विषयमा छलफल भएको जानकारी दिएका छन् ।
वि.सं.२०७८ माघ १९ बुधवार १४:५२ मा प्रकाशित
