back

भाषा नबुझेदा राना थारू महिलाहरु सरकारी सेवाबाट बन्चित

वि.सं.२०७३ चैत १ मंगलवार

114 

shares
NTC AD
Global IME AD

 १ चैत, कञ्चनपुर । भाषा नबुझ्दा कञ्चनपुरका राना थारू समुदायका महिला सरकारी कार्यालयबाट सेवाबाट वञ्चित हुने गरेका छन् । नेपाली भाषा नबुझ्दा सरकारी कार्यालयबाट राना थारू समुदायका महिला सेवा पाउन बाट बञ्चित भएका हुन् ।

“कार्यालयका कर्मचारीसँग राना समुदायका महिलाले आफ्नै भाषामा कुरा गर्दा कर्मचारीले बुभ्mदैनन्”, जनजाति आदिवासी नगर समन्वय समितिका सदस्य रतनलाल रानाले भन्नुभयो, “महिलाले नेपाली भाषा नबुझ्दा सेवा लिनबाट वञ्चित भएका छन् ।”

“सरकारी कार्यालयमा राना भाषा र नेपाली भाषा जान्ने कर्मचारीको व्यवस्था गरिदिनका लागि माग गर्दै आएपनि कुनै पनि कार्यालयमा हालसम्म दोभाषेको व्यवस्था नगरिँदा सेवाबाट वञ्चित भएका छौँ”, उहाँले भन्नुभयो ।

भाषाको समस्याले राना थारू समुदायका महिलासँगै नेपाली भाषा बुझ्ने पुरुष पनि कार्यालयमा पुग्नुपर्ने बाध्यता रहेको उहाँले बताउनुभयो । शुक्लाफाँटा नगरपालिकामा विधवा भत्ताका लागि चौथो पटक पुगेकी बन्धो रानाले भाषा नबुझ्दा भत्ता पाउन नसकेको बताउनुभयो । “कर्मचारीले राना भाषा बुझ्दैनन् म नेपाली भाषा बोल्न सक्दैन, त्यसैले भत्ताको आवेदनका लागि पुगे पनि प्रक्रिया नजान्दा अलमलमा परेकी छु”, उहाँले भन्नुभयो ।

पुरुषको तुलनामा राना थारू समुदायका अधिकांश महिला नेपाली भाषा नबुझ्ने गरेका छन् । भाषाकै समस्याले राना थारू समुदायका महिलाको सरकारी कार्यालयले दिने सेवासुविधामा पहुँच अभिवृद्धि हुन सकेको छैन ।

भाषाकै समस्याले सामाजिक कार्यमा समेत राना थारू समुदायका महिलाको पहुँच पुग्न नसकेको राना थारू अगुवाको भनाइ छ । भाषाकै समस्याले सेवा लिनबाट वञ्चित नहुन् भन्नका लागि कर्मचारीको व्यवस्थाका लागि पहल गरिने शुक्लाफाँटा नगरपालिकाका कार्यकारी अधिकृत रघुनाथ अवस्थीले बताउनुभयो । शुक्लाफाँटा नगरपालिकामा मात्रै सातसयभन्दा बढी घरधुरी राना थारु समुदायको बसोबास रहेको छ । रासस
–––––––

वि.सं.२०७३ चैत १ मंगलवार ०६:०५ मा प्रकाशित

NLIC AD
NABIL bank AD
सुदूरपश्चिममा नाउपाका दुई मन्त्रीको तोकीयो जिम्मेवारी

सुदूरपश्चिममा नाउपाका दुई मन्त्रीको तोकीयो जिम्मेवारी

  सुदूरपश्चिम । सुदूरपश्चिम प्रदेशका मुख्यमन्त्री कमलबहादुर शाहले नागरिक उन्मुक्ति...

प्रादेशिक अस्पतालका समस्या समाधान गर्न प्रदेश सरकार तयार छः मन्त्री सिंह

प्रादेशिक अस्पतालका समस्या समाधान गर्न प्रदेश सरकार तयार छः मन्त्री सिंह

सिरहा । मधेस प्रदेशका स्वास्थ्य तथा जनसङ्ख्यामन्त्री शत्रुधनप्रसाद सिंहले प्रादेशिक...

गुणस्तरीय शिक्षाका लागि स्थानीय तहले लैङ्गिकमैत्री बजेट ल्याउनुपर्नेमा मन्त्री चौधरीको जोड

गुणस्तरीय शिक्षाका लागि स्थानीय तहले लैङ्गिकमैत्री बजेट ल्याउनुपर्नेमा मन्त्री चौधरीको जोड

काठमाडौँ । महिला, बालबालिका तथा ज्येष्ठ नागरिकमन्त्री भगवती चौधरीले गुणस्तरीय...

हात्तीको आक्रमणबाट महिलाको मृत्यु, श्रीमान घाइते

हात्तीको आक्रमणबाट महिलाको मृत्यु, श्रीमान घाइते

झापा । झापाको शिवसताक्षी नगरपालिकामा जङ्गली हात्तीको आक्रमणबाट एक महिलाको...

शान्तिपूर्ण रूपमा देशभर एकैसाथ एसइई परीक्षा

शान्तिपूर्ण रूपमा देशभर एकैसाथ एसइई परीक्षा

भक्तपुर । राष्ट्रिय परीक्षा बोर्डले आजदेखि सञ्चालन गरेको यस वर्षको...

भयावह बन्दै सडक दुर्घटना, ११ हजार बढीको मृत्यु

भयावह बन्दै सडक दुर्घटना, ११ हजार बढीको मृत्यु

काठमाडौँ । गत फागुन २३ गते बिहान ४.४० बजे सुलोचना...